Definisi, Ciri-ciri dan struktur Resensi

A.    Medar Perkara Resénsi

Istilah Resénsi, asalna tina basa Belanda resentie, nu hartina nepikeun atawa nyaritakeun.

Nilik kana harti kitu, nu disebut resénsi téh nyaéta ngajén atawa meunteun kana hiji karya, saperti buku, pilem atawa pintonan drama, musik.

Resénsi buku eusina biasana mah nyaritakeun eusi buku boh kaunggulanana boh kahéngkéranana sangkan jadi informasi keur nu maca.

Resénsi pilem atawa pintonan drama eusina nyaritakeun ringkesan (synopsis) guluyuran carita drama/pilem, kaunggulan jeung kahéngkéranana, sarta nétélakeun nu ngagarapna ti mimiti sutradara, produser, aktor jeung aktrisna.

Cindeukna, resénsi téh nyoko kana kagiatan meunteun atawa ngajén hiji karya atawa kagiatan pintonan seni nu tujuanana pikeun méré informasi jeung ngagambarkeun kaunggulan jeung kahéngkéran hiji karya.

Stuktur Resénsi

1.     Identitas karya  : judul, sutradara, produser, taun tayang, actor/aktris, jste.

2.     Ringkesan carita (synopsis)

3.     Tilikan eusi        : kaunggulan jeung kahéngkéran karya

4.     Panutup

B.    Maham Padika Nulis Resénsi Pintonan Drama

Mun hidep aya karep nulis resénsi pintonan drama, aya sawatara léngkah nu kudu ditedunan, di antarana:

1.     Lalajo pintonan drama basa sunda sing daria

2.     Nyatetkeun guguluyuran carita (alur) atawa adegan-adegan penting nu pikatajieun tina éta pintonan. Kitu deui catetkeun hal-hal anu kurang pikareuseupeunana.

3.     Nyatetkeun pamanggih atawa sawangan hidep, naha éta pilem téh payus atawa gedé mangpaatna pikeun dilalajoanan ku balaréa atawa  henteu.

4.     Tulis judul resénsi ku cara nuliskeun idéntitas pilem nu diresénsi (judul, palaku utama, sutradara, produser, rumah produksi nu ngaluarkeun éta pilem, nu nulis naskah, durasi)

5.     Susun rangkay resénsi anu rék ditulis. Bisa saperti kieu:

a.      Jenis pintonan drama

b.     Nuliskeun idéntitas drama

c.      Medar ngeunaan carita dina drama, ti mimiti galurna jeung tokoh-tokohna

d.     Medar ngeunaan kaunggulan jeung kahéngkéran drama

e.      Medar ngeunaan mangpaat drama keur lalajoaneun balaréa

f.       Ngajudulan resénsi

Ciri-ciri Resénsi :

1.     Aya judul resénsi

2.     Idéntitas buku/pilem

3.     Synopsis atawa ulasan buku/pilem

4.     Kahéngkéran

5.     Kaunggulan buku